Зробім
па-новаму!

Трэба перамагаць і мяняць уладу!
Я прапаную легальны механізм, як паламаць сцэнар фальсіфікацыяў
і здзейсніць электаральную рэвалюцыю.
Дзеля гэтага патрэбныя актыўныя салідарныя дзеянні 1% беларусаў!

Што рабіць з Covid-19?

Каранцін для старэйшага пакалення (ад 60 гадоў)
Вярнуць кошты масак і дэзінфікуючых сродкаў у аптэках на ўзровень да пандэміі

Перамены залежаць ад нас

Усе мы хочам жыць у заможнай і самастойнай Беларусі. Але мала хацець - трэба рабіць выбар і дзейнічаць. Я бачу перамены так:

Наш прыярытэт - інтэграцыя з Еўрасаюзам.

На першым этапе - партнёрства і гандаль. Бо нам патрэбныя заходнія інвестыцыі, тэхналогіі і рынак збыту.

Саюзная дамова з Расіяй - пастка і ўчарашні дзень.

Будзем ўзаемавыгадна гандляваць, прыбраўшы з эканомікі палітыку. Нафту і газ купім не толькі ў Расіі. Хопіць на каленях выпрошваць асаблівых умоваў - пара пазбаўляцца эканамічнай залежнасці. Нацыянальныя інтарэсы Беларусі патрабуюць кантролю на мяжы з Расіяй - памежнага і мытнага. Пара спыніць плыні крымінальных мігрантаў і кантрабанды, у тым ліку наркотыкаў. Візаў для паездак у Расію і з яе у Беларусь не будзе!

Праблемныя дзяржпрадпрыемствы мадэрнізуем, прыватызуем або адправім на металалом.

Нашы заводы стануць важнымі звёнамі ў тэхналагічных ланцужках міжнародных кампаній. Тыя, хто страціць працу ў сувязі з рэфармаваннем прамысловасці, будуць атрымліваць цягам 6 месяцаў 80% ранейшага заробку пры ўмове навучання новай прафесіі.

Дзяржаўныя закупкі - пад грамадскі кантроль!

Ад узбраення і да расходаў дзіцячых садкоў. Людзі будуць ведаць на што ідуць іх падаткі.

Увядзем прыватную ўласнасць на землі сельскагаспадарчага прызначэння.

Зямля павінна належыць тым, хто яе апрацоўвае. Забяспечым роўныя правы на дзяржаўныя датацыі для ўсіх вытворцаў сяльгаспрадукцыі.

Знізім мытныя стаўкі пры ўвозе аўтамабіляў з-за мяжы.

Правілы гульні ў Еўразійскім эканамічным саюзе патрабуцюь рэвізіі. Пагадненні, якія б’юць па дабрабыце беларусаў, будуць адменены.

Народ перастане карміць нахабных і хамаватых чыноўнікаў-дармаедаў.

У першую чаргу мы ліквідуем пасады ідэолагаў. Скасуем шэраг лішніх міністэрстваў і дзяржаўных камітэтаў. У адказных і сумленных дзяржслужбоўцаў з’явіцца перспектыва кар’ернага росту.

У выніку канстытуцыйнай рэформы беларусы самі будуць выбіраць мэраў гарадоў.

Рэгіёны змогуць самастойна фармаваць і распараджацца мясцовымі бюджэтамі. Каб удыхнуць у рэгіёны жыццё, перанясем туды шэраг прадпрыемстваў і ВНУ.

З’явяцца суды прысяжных як абарона ад судовых памылак і фальсіфікацыі следчых справаў.

Суды стануць незалежнымі - вольнымі ад палітычнага ціску з боку выканаўчай або заканадаўчай улады.

Пераход да страхавой медыцыны, каб палепшыць якасць паслугаў.

Канкурэнцыя паміж медцэнтрамі прымусіць лекараў больш уважліва і прафесійна ставіцца да пацыентаў.

Сядзець у турме павінны наркабароны і прадаўцы, а не маладыя спажыўцы “траўкі”.

Правядзём дэкрыміналізацыю антынаркатычнага заканадаўства: пакаранне павінна быць сувымернае ўчынкам. Легалізацыя лёгкіх наркотыкаў магчымая, калі грамадства будзе гатовае.

Замест абавязковага размеркаванне выпускнікоў ВНУ - дапамога знайсці першае месца працы.

Мы забяспечым паўгода вучобы за мяжой для студэнтаў і стажыроўкі праз кожныя пяць гадоў для выкладчыкаў.

Як можна дапамагчы?

Ад актыўнасці кожнага з нас залежыць, як будуць прадстаўленыя нашыя інтарэсы ў палітычнай сферы. І цяпер якраз той час, калі кожны можа зрабіць мінімум тры рэчы дзеля гэтага:

Стаць сябрам у сацыяльных сетках

Завітвайце на старонкі Ю. Губарэвіча ў сацыяльных сетках і прысяброўвайцеся

Што рабіць з каронавыбарамі?

Калі выбары не перанясуць, мы арганізуем кампанію назірання за яўкай

Стаць валанцёрам кампаніі

Далучайцеся да каманды Ю. Губарэвіча ў выбарчай кампаніі-2020

Падрабязней

Юрый Губарэвіч
Лідар Руху «За свабоду»

Малая радзіма: горад Белаазёрск у Брэсцкай вобласці, нарадзіўся 23 лютага 1978 года.
Адукацыя: інжынер-электрык (скончыў палітэхнічную акадэмію ў Мінску) і магістр дзяржаўнага кіравання (вучыўся ў Акадэміі дзяржаўнага кіравання пры прэзідэнце Украіны), стажыраваўся ў ЗША, Польшчы і Чэхіі.
Праца: раней топ-менеджар у шэрагу бізнес-кампаній (напрыклад, ЗАТ «Белраснафтахімрэсурс»), цяпер - свая справа ў сферы паслугаў.
Палітыка: абіраўся дэпутатам і намеснікам старшыні Белаазёрскага гарадскога Савета дэпутатаў, з 2016 года - старшыня Руху «За Свабоду», падчас выбараў 2006 года - давераная асоба кандыдата ў прэзідэнты Аляксандра Мілінкевіча.
Сям’я: дзве дачкі-школьніцы, жонка - магістр (працуе праектным менеджарам у ІТ-кампаніі).
Захапленні: рыбалка, падарожжы, плаванне.

Навошта ўдзел у выбарчай кампаніі-2020?

Бо трэба перамагаць і мяняць уладу! Я прапаную легальны механізм, як паламаць сцэнар фальсіфікацыяў і здзейсніць электаральную рэвалюцыю. Дзеля гэтага патрэбныя актыўныя салідарныя дзеянні 1% беларусаў!

Што нас аб’яднае?

Большасць беларусаў - за перамены. Але ў людзей розныя матывацыі. Камусьці не хапае дэмакратыі, і ён гатовы змагацца за яе нават адзіночным пікетам. А некаму - дабрабыту, дзеля якога ён гатовы хіба што да пратэстнага галасавання. Прыхільнікаў пераменаў аб’яднае і натхніць на супольныя дзеянні выразная альтэрнатыва - не голыя лозунгі “Далоў!”, а праграма грунтоўных і зразумелых рэформаў, якую прапануе адзіны кандыдат.

Як будзем перамагаць?

1) Ключавы этап дэманстрацыі яднання вакол альтэрнатывы - масавая Плошча па-новаму напярэдадні галасавання як інструмент ціску на ўсе элементы-вінцікі ўладнай машыны, якія маюць дачыненне да фальсіфікацыі выбараў.

Прынцыповы момант: вулічныя акцыі павінны арганізоўвацца толькі пасля рэгістрацыі адзінага кандыдата ад апазіцыі! Тады іх можна будзе ладзіць легальна ў межах агітацыйнай кампаніі. Каб не падстаўляць людзей пад бессэнсоўныя затрыманні ці штрафы. Падчас вулічных акцыяў мы робім акцэнт на тым, за што мы, а не супраць чаго мы. Толькі так можна аб’яднаць вялікую колькасць беларусаў, якія хочуць змены ўлады.

2) Толькі масавае назіранне спыніць машыну фальсіфікацыяў. Дзякуючы прыцягненню новых людзей мы зможам мець патрэбную колькасць незалежных назіральнікаў на выбарчых участках.

У Беларусі каля 7 мільёнаў выбаршчыкаў. Большасць выбарчых участкаў - гэта 2 тысячы выбаршчыкаў. Для кантролю за галасаваннем на кожным з такіх участкаў патрэбныя ад 20 назіральнікаў. Гэта кожны соты выбаршчык — усяго 1% ад іх агульнай колькасці. Актыўныя назіральнікі прымусяць сябраў выбарчых камісіяў трымацца заканадаўства і паказваць пры падліку галасоў кожны бюлетэнь.

3) Масавая Плошча напярэдадні галасавання ды народны кантроль на выбарчых участках засведчаць рашэнне беларусаў адправіць Лукашэнку ў адстаўку, а таксама стануць сігналам для сістэмы, што ў выпадку чарговых фальсіфікацый народ згодна з Канстытуцыяй забярэ ўладу ў тых, хто ёй злоўжывае.

ДАЛУЧЫЦЦА